North India Times
North India Breaking political, entertainment and general news

ਅੰਨਦਾਤਾ ਨੂੰ ਲੁੱਟਣ ‘ਚ ਇੱਕ-ਦੂਜੇ ਤੋਂ ਵੱਧ ਕੇ ਹਨ ਅਕਾਲੀ ਤੇ ਕਾਂਗਰਸੀ

ਹਾਈਕੋਰਟ ਦੀ ਨਿਗਰਾਨੀ ਹੇਠ ਜੁਡੀਸ਼ੀਅਲ ਕਮਿਸ਼ਨ ਕਰੇ ਪਿਛਲੇ 13 ਸਾਲਾਂ ਦੇ ਖੇਤੀਬਾੜੀ ਘੁਟਾਲਿਆਂ ਦੀ ਜਾਂਚ-ਹਰਪਾਲ ਸਿੰਘ ਚੀਮਾ

14

Warning: A non-numeric value encountered in /home/northcyp/public_html/wp-content/themes/publisher1/includes/func-review-rating.php on line 212

Warning: A non-numeric value encountered in /home/northcyp/public_html/wp-content/themes/publisher1/includes/func-review-rating.php on line 213

ਤੋਤਾ ਸਿੰਘ ਦੇ ਚਿੱਟੀ ਮੱਖੀ ਅਤੇ ਬੀਟੀ ਕਾਟਨ ਬੀਜ ਸਕੈਂਡਲ ਸਮੇਤ ਲੰਗਾਹ ਦੇ ਬੀਜ ਘੋਟਾਲੇ ਦੇ ਨੁਕਸਾਨ ਦੇ ਵੇਰਵੇ ਵੀ ਦੇਣ ਮਜੀਠੀਆ-ਕੁਲਤਾਰ ਸਿੰਘ ਸੰਧਵਾਂ

ਚੰਡੀਗੜ : ਆਮ ਆਦਮੀ ਪਾਰਟੀ (ਆਪ) ਪੰਜਾਬ ਨੇ ਬਹੁਚਰਚਿਤ ਬੀਜ ਘੋਟਾਲੇ ਸਮੇਤ ਪਿਛਲੇ 13 ਸਾਲਾਂ ‘ਚ ਹੋਏ ਖੇਤੀਬਾੜੀ ਘਪਲਿਆਂ ਦੀ ਮਾਨਯੋਗ ਹਾਈਕੋਰਟ ਦੀ ਨਿਗਰਾਨੀ ਹੇਠ ਗਠਿਤ ਜੁਡੀਸ਼ੀਅਲ ਕਮਿਸ਼ਨ ਰਾਹੀਂ ਸਮਾਂਬੱਧ ਜਾਂਚ ਦੀ ਮੰਗ ਕੀਤੀ ਹੈ ਤਾਂ ਕਿ ਅੰਨਦਾਤਾ ਨੂੰ ਲੁੱਟਣ ਅਤੇ ਠੱਗਣ ‘ਚ ਇੱਕ ਦੂਜੇ ਤੋਂ ਵਧ ਕੇ ਰਹੇ ਅਕਾਲੀਆਂ ਅਤੇ ਕਾਂਗਰਸੀਆਂ ਦੇ ਵੇਰਵੇ ਲੋਕਾਂ ਸਾਹਮਣੇ ਆ ਸਕਣ।

ਪਾਰਟੀ ਹੈੱਡਕੁਆਟਰ ਤੋਂ ਜਾਰੀ ਬਿਆਨ ਰਾਹੀਂ ਪਾਰਟੀ ਦੇ ਸੀਨੀਅਰ ਆਗੂ ਅਤੇ ਵਿਰੋਧੀ ਧਿਰ ਦੇ ਨੇਤਾ ਹਰਪਾਲ ਸਿੰਘ ਚੀਮਾ ਅਤੇ ਕਿਸਾਨ ਵਿੰਗ ਦੇ ਸੂਬਾ ਪ੍ਰਧਾਨ ਵਿਧਾਇਕ ਕੁਲਤਾਰ ਸਿੰਘ ਸੰਧਵਾਂ ਨੇ ਕਿਹਾ ਕਿ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਵੱਲੋਂ ਅੰਤਰਰਾਜੀ ਬੀਜ ਘੋਟਾਲੇ ‘ਚ ਪੰਜਾਬ ਦੇ ਕਿਸਾਨਾਂ ਨੂੰ 4,000 ਕਰੋੜ ਰੁਪਏ ਦੇ ਨੁਕਸਾਨ ਸੰਬੰਧੀ ਪੇਸ਼ ਕੀਤੇ ਜਾ ਰਹੇ ਅੰਕੜੇ ਨਕਾਰੇ ਨਹੀਂ ਜਾ ਸਕਦੇ, ਪਰੰਤੂ ਬਿਕਰਮ ਸਿੰਘ ਮਜੀਠੀਆ 2007 ਤੋਂ 2017 ਤੱਕ ਆਪਣੀ ਅਕਾਲੀ-ਭਾਜਪਾ ਸਰਕਾਰ ਦੌਰਾਨ ਤਤਕਾਲੀ ਖੇਤੀਬਾੜੀ ਮੰਤਰੀ ਸੁੱਚਾ ਸਿੰਘ ਲੰਗਾਹ ਵੱਲੋਂ ਕੀਤੇ ਗਏ ਬੀਜ ਸਬਸਿਡੀ ਘੋਟਾਲੇ ਅਤੇ ਤਤਕਾਲੀ ਖੇਤੀਬਾੜੀ ਮੰਤਰੀ ਤੋਤਾ ਸਿੰਘ ਵੱਲੋਂ ਬਾਦਲ ਪਰਿਵਾਰ ਦੀਆਂ ਅੱਖਾਂ ਦੇ ਤਾਰੇ ਅਤੇ ਦਾਗ਼ੀ ਖੇਤੀਬਾੜੀ ਅਧਿਕਾਰੀ ਮੰਗਲ ਸਿੰਘ ਸੰਧੂ ਨਾਲ ਮਿਲਕੇ ਕੀਤੇ ਗਏ ਚਿੱਟੀ ਮੱਖੀ ਵਜੋਂ ਮਸ਼ਹੂਰ ਹੋਏ ਨਕਲੀ ਪੈਸਟੀਸਾਈਡ ਘੋਟਾਲੇ ਅਤੇ ਨਕਲੀ ਬੀਟੀ ਕਾਟਨ ਬੀਜ ਘੋਟਾਲੇ ਨਾਲ ਕਿਸਾਨਾਂ ਨੂੰ ਹੋਏ ਅਰਬਾਂ ਰੁਪਏ ਦੇ ਨੁਕਸਾਨ ਦੇ ਵੇਰਵੇ ਵੀ ਇਸੇ ਤਰਾਂ ਜਨਤਕ ਕਰਨ। ਮਜੀਠੀਆ ਮਾਲਵਾ ਪੱਟੀ ਦੇ ਉਨਾਂ ਕਿਸਾਨਾਂ ਦੀ ਗਿਣਤੀ ਵੀ ਦੱਸਣ ਜਿੰਨਾ ਨੇ ਨਕਲੀ ਪੈਸਟੀਸਾਈਡ ਕਾਰਨ ਚਿੱਟੀ ਮੱਖੀ ਦਾ ਸ਼ਿਕਾਰ ਹੋਏ ਨਰਮੇ ਦੇ ਨੁਕਸਾਨ ਨੂੰ ਨਾ ਸਹਾਰਦੇ ਹੋਏ ਆਤਮ-ਹੱਤਿਆਵਾਂ ਕਰ ਲਈਆਂ ਸਨ।

ਹਰਪਾਲ ਸਿੰਘ ਚੀਮਾ ਨੇ ਕਿਹਾ ਕਿ ਜਿਸ ਤਰੀਕੇ ਨਾਲ ਕੇਂਦਰ ਦੀਆਂ ਭਾਜਪਾਈ ਤੇ ਕਾਂਗਰਸੀ ਸਰਕਾਰਾਂ ਵੱਲੋਂ ਫ਼ਸਲਾਂ ਦੇ ਘਾਟੇ ਦੇ ਮੁੱਲ ਤੈਅ ਕੀਤੇ ਜਾਂਦੇ ਰਹੇ ਹਨ ਅਤੇ ਪੰਜਾਬ ਦੀਆਂ ਬਾਦਲ ਅਤੇ ਕੈਪਟਨ ਸਰਕਾਰਾਂ ਵੱਲੋਂ ਕਿਸਾਨਾਂ ਨਾਲ ਨਕਲੀ ਪੈਸਟੀਸਾਈਡ, ਨਕਲੀ ਬੀਜ, ਸਿੰਚਾਈ ਅਤੇ ਬੀਜ ਸਬਸਿਡੀ ਘੋਟਾਲੇ ਕੀਤੇ ਗਏ ਹਨ, ਉਸ ਤੋਂ ਸਾਫ਼ ਹੈ ਕਿ ਅੰਨਦਾਤਾ ਨੂੰ ਲੁੱਟਣ ਅਤੇ ਠੱਗਣ ‘ਚ ਅਕਾਲੀ, ਭਾਜਪਾ ਅਤੇ ਕਾਂਗਰਸੀ ਇੱਕ ਦੂਜੇ ਤੋਂ ਵਧ ਕੇ ਹਨ।

ਹਰਪਾਲ ਸਿੰਘ ਚੀਮਾ ਅਤੇ ਕੁਲਤਾਰ ਸਿੰਘ ਸੰਧਵਾਂ ਨੇ ਕਿਹਾ ਕਿ ਇਸ ਕਾਂਗਰਸ ਸਰਕਾਰ ‘ਚ ਹੋਏ ਅਰਬਾਂ ਰੁਪਏ ਦੀ ਬੀਜ ਘੋਟਾਲੇ ‘ਚ ਜਿਸ ਤਰਾਂ ਕਾਂਗਰਸੀ ਮੰਤਰੀ ਦੋਸ਼ੀਆਂ ਨੂੰ ਬਚਾਉਣ ਲਈ ਤਰਲੋਮੱਛੀ ਹਨ, ਉਸ ਤੋਂ ਉਨਾਂ ਦੀਆਂ ਹਿੱਸੇਦਾਰੀਆਂ ਦੀ ਬੂ ਆ ਰਹੀ ਹੈ।
ਕੁਲਤਾਰ ਸਿੰਘ ਸੰਧਵਾਂ ਨੇ ਕਿਹਾ ਕਿ ਜੇਕਰ ਇਸ ਬੀਜ ਸਕੈਂਡਲ ਦੀ ਜਾਂਚ ਪੰਜਾਬ ਸਰਕਾਰ ਦੀਆਂ ਏਜੰਸੀਆਂ ਨੇ ਕੀਤੀ ਤਾਂ ਲੋਕਾਂ ਦੀਆਂ ਅੱਖਾਂ ‘ਚ ਘੱਟਾ ਪਾਉਣ ਦੀ ਉਸੇ ਤਰਾਂ ਦੀ ਕਾਰਵਾਈ ਹੋਵੇਗੀ, ਜਿਵੇਂ ਚਿੱਟੀ ਮੱਖੀ, ਬੀਟੀ ਕਾਟਨ ਸਕੈਂਡਲ ‘ਚ ਅਕਾਲੀ ਮੰਤਰੀ ਤੋਤਾ ਸਿੰਘ ਅਤੇ 50 ਪ੍ਰਤੀਸ਼ਤ ਬੀਜ ਸਬਸਿਡੀ ਸਕੈਂਡਲ ‘ਚ ਸ਼ਾਮਲ ਸੁੱਚਾ ਸਿੰਘ ਲੰਗਾਹ ਨੂੰ ਉਦੋਂ ਦੀਆਂ ਬਾਦਲ ਸਰਕਾਰਾਂ ਨੇ ਕਲੀਨ ਚਿਟਾਂ ਦੇ ਕੇ ਕੀਤਾ ਸੀ।

You might also like

Comments are closed.